Форум староверов-ревнителей дониконовского благочестия

ГЛАВА 23-я.
О НОВОЛЕТИИ.

СТАТИЯ 1-я.
ЗАКОН О ВРЕМЕНАХ: ПОСТАНОВЛЕНО ХРИСТОМ СПАСИТЕЛЕМ И СВЯТОЮ ЦЕРКОВИЮ, А ТАКЖЕ И БЛАГОЧЕСТИВЫМИ ЦАРЯМИ, НАЧИНАТЬ НОВЫЙ ГОД С 1-го СЕНТЯБРЯ.

СТИХ 1-й.
(ГОСПОДЬ) ВНИДЕ … В ДЕНЬ СУББОТНЫИ В СОНМИЩЕ, И … ПРОПОВЕДА ЛЕТО ГОСПОДНЕ ПРИЯТНО.
Кн. Евангелие Благовестное. От Луки. Гл. 4 Зач. 13. Лис. 40.
И прииде в Назарет, идеже бе воспитан. и вниде по обычаю своему в день суботный в сонмище, и воста чеси. и даша Ему книгу Исаии пророка. и разгнув книгу обрете место, идеже бе написано. Дух Господень на мне, его же ради помаза мя, благовестити нищим, посла мя исцелити сокрушенныя сердцем, проповедати пленным отпущение, и слепым прозрение, отпустити сокрушенныя во отраду, проповедати лето Господне приятно. и согнув книгу, отдав слузе седе. и всем в сонмищи очи бяху зряще нань. и начат глаголати к ним, яко днесь сбысться Писание се во ушию вашею.

ЧИСЛО 1-е.
(ЭТО) ЕВАНГЕЛИЕ (ВЗЯТО В СЛУЖБУ ИНДИКТУ, ЕЖЕ ЕСТЬ) НОВОМУ ЛЕТУ, (1-го СЕНТЯБРЯ).
Кн. Потребник. Единоверч. Печ. Лис. 14. 3-го счета.

СТИХ 2-й.
ГОСПОДЬ … ПРОПОВЕДА ЛЕТО ГОСПОДНЕ ПРИЯТНО … МЕСЯЦА СЕПТЕМВРИА В 1-й ДЕНЬ; … ТОГО РАДИ ЦЕРКОВЬ СВЯТАЯ … (И) ПЕРВЫЙ ВСЕЛЕНСКИЙ СОБОР (С БЛАГОЧЕСТИВЫМ ЦАРЕМ) ПОВЕЛЕША НОВОЕ ПРАЗДНОВАТИ ЛЕТО … В ПЕРВЫЙ ДЕНЬ СЕНТЯБРЯ МЕСЯЦА.
Четь Минея. Сентября 1-го. Слово в начало индикта, сиесть новаго лета. Лис. 1.
Бог Царь веков, положивый времена и лета во своей власти, и в тая к славе Своей, а к человеческому от дел упокоению, различныя праздники узаконивый, даде повеление в Ветхом Завете, праздновати нарочито месяц Септемврий по вся лета, да людие в сей месяц упразднившеся от молв житейских, единому поработают Богу.
Ниже: Лис. 2.
Прия же и церковь святая начало Индиктиона праздновати месяца Септемврия в первый день сего ради, яко в той месяц и день празднуему бывшу во иудеи и по вселенней новому лету, прииде Исус Господь в Назарет, идеже бе воспитан, и понеже суббота бе день той, вниде в сонмище Иудейское: ибо обычай бяше Иудеом наипаче в субботу в святилище собиратися, и поучатися от книг пророческих. Вшедшу убо Исусу посреде учителей, и чести воставшу, даша Ему Исаии пророка книгу, юже разгнувши, обрете место, идеже бе написано: Дух Господень на мне, егоже ради помаза мя благовестити нищым, посла мя исцелити сокрушенныя сердцем: проповедати плененным отпущение, и слепым прозрение: отпустити сокрушенныя во отраду: проповедати лето Господне приятно. Таже согнув и отдав книгу, нача учити, являя себе истиннаго быти Мессию, от Бога Отца на спасение и обновление жизни человеком посланнаго, на немже писание прочтенное сбыстся: и вси свидетельствоваху Ему, и дивляхуся о словесех благодати, исходящих из уст Его. Уставися же праздник сей от святых отец на первом соборе Никейском, егда великий царь Константин, победив Максентиа мучителя, обнови и просвети вселенную светом благочестия, и искорени бесовския праздники, от тяжкаго же ига мучительскаго веру Христианскую избавив, свободну сотвори, и своя Индиктионы устави: тогда святии отцы повелеша новое праздновати лето, яко начаток свободы Христианския, воспоминающе Христово в той день посреде соборища Иудейскаго вшествие, и лета Господня приятна от книги Исаиной возвещение. И уже не ветхаго закона, но новыя благодати прадник в первый день сего месяца празднуем, в оньже сам Законодавец яви себе миру, сошед от горних, нося на себе Духа Отча, и написуя закон Божий не перстом, но Божественным своим языком и пресладкими своими усты: не на скрижалех каменных, но на скрижалех сердца (нашего) плотяных. И Той сизидая мысленную скинию церковь свою, принесе Богу Отцу о гресех наших жертву не без крове, себе самого, сам сый Архиерей великий, небеса прошедый, и очистив нас от грехов наших излияною своею за ны кровию, сотвори на себе храмы святы, по глаголу апостольскому: храм Божий свят есть, иже есте вы: о чесом всем воздающе Ему благодарение, празднуем лето Господне приятно, яко многая, за то и сами благоприятны Ему быти потщимся. Празднуем же и Индиктион, не от римских царей узаконенный, но от Тогоже небеснаго Царя славы Христа нам уставленный. Христовым же Индиктионом суть повеления Его святая, яже должни есмы соблюдати и исполняти.

СТИХ 3-й.
ГОСПОДЬ В (1-й ДЕНЬ СЕНТЯБРЯ) ПРОПОВЕДАЛ ЛЕТО ГОСПОДНЕ ПРИЯТНО.
Кн. Пролог. Месяца Сентября. Лис. 2 и об.
Месяца септеврия в 1, день. начало индикту. сиречь новому лету.
Ведомо убо есть, яко индикта празднует Божия церкви, от древних приемши, за еже положитися от римлян начатку лету быти, от того индикта. индикт бо глаголется еже от римлян, повеление. и прилагает, за еже в таковыи день внити Господу нашему Исусу Христу в соборище иудейско. и вдатися Ему книзе Исаии пророка. и разгнувшу, и обрете место, идеже бяше написано. Дух Господень на мне, его же ради помаза мя, благовестити нищым посла мя, и исцелити сокрушенных сердцы. проповедати пленным отпуст, и слепым прозрение. послати сокрушенныя во оставление. проповедати лето Господне приятно. таже отдав книгу слузе, и сед начат учити. яко днесь исполнися писание сие во ушию вашею. яко дивитися народом о словесех благодати, исходящих от уст его.

СТИХ 4-й.
НОВОЛЕТИЕ ПЕРВАГО СЕНТЯБРЯ.
Кн. Служебная Минея. сентября 1-го. печ. в лето 7152-е. В 3-е лето патриаршества Иосифа. Лис. 1.
Месяца септевриа в 1 день. начало индикта еже есть новаго лета.

СТИХ 5-й.
НОВОЛЕТИЕ ПЕРВАГО СЕНТЯБРЯ.
Кн. Часослов. напеч. в лето 7160-е. В 10-е лето патриарш. Иосифа. Лист 146.
Соборник 12-м месяцем сказуя от месяца Септеврия, до месяца Августа. по уставу, иже во Иеросалиме святыя лавры, преподобнаго и богоноснаго отца нашего Савы освященнаго. Месяц септеврии, имать дней 30. I, Начало индикту, еже есть новому лету.

СТИХ 6-й.
СЕНТЯБРЯ В 1 ДЕНЬ, НАЧАЛО ИНДИКТА ЕЖЕ ЕСТЬ НОВОЕ ЛЕТО.
Кн. Потребник. Единоверч. Печ. Филарета Патр. Лис. 4. 3-го счета. И Лист 121.

СТИХ 7-й.
МЕСЕЦ СЕПТЕМВРИЙ. 1 ДЕНЬ, НАЧАЛО ИНДИКТА, СИРЕЧЬ НОВАГО ЛЕТА.
Кн. Преп. Никона Черныя горы. Слово 57. Лис. 488. и Ниже: Лис. 490.

СТИХ 8-й.
(СВ. ИОАНН ЗЛАТОУСТ ПИШЕТ: НАЧАЛО ЛЕТА ПЕРВАГО СЕНТЯБРЯ).
Кн. Великия Минеи Четии. Макарьевския. Месяц Сентябрь 1 день. Лис. 1. Столб. 1.
Месяца Септевриа в 1 день начаток индикту, рекше новому лету.
Ниже: Столб. 2.
Месяца Септевриа в 1 день, иже во святых отца нашего Иоанна, Архиепископа Константиня града, Златоустаго, слово в начале индикту.

СТИХ 9-й.
(ИОАНН ПРЕДОТЕЧА НАЧАЛ СВОЮ ПРОПОВЕДЬ 1-го СЕНТЯБРЯ, НАЧИНАЮЩУСЯ ЛЕТУ).
Кн. Великая Четь Минея. Макарьевская. Сентября в 8 день. Слово на Рожество Пресвятыя Богородицы. Столбец 372.
Иоанн же бе в пустыни той 30 лет; единаго лета, начинающуся лету, еже есть от Сентября месяца, бысть к нему слово Господне крещениа ради; и прииде в Иудею и в Галилею, проповедая покаяние и оставление грехов крещения ради; и прииде в Галилею проповедая царство небесное.

СТИХ 10-й.
ДЕНЬ, 1-го СЕНТЯБРЯ, ПЕРВЫЙ ИМАМЫ НАЧАЛО ЛЕТА.
Кн. Великая Минея Макарьевская. месяца Сентября 1 день. Поучение. Столбец 114.
Текуще бо мимотекает время живота нашего, постояние бо ни едино имать в себе; но преходит от лета на лето, и от времени на время, и от праздника на праздник. Се убо, братие, сий день первый имамы начало лета. В сей убо день Евангелие чтется, емуже начало се: Дух Господень на мне, имже ради помаза мя; благовествовати нищим посла мя, исцелити съкрушенныя сердцем, проповедати пленником оставление и слепым прозрение, отпустити съкрушеныя в оставление, проповедати лето Господне приятно.
(Это же самое слово положено и в Книге: Поучительное Евангелие. Сл. 54. Лис. 383 и об. Месяца Септеврия в 1, день, поучение в начало индикта, сиречь новаго лета).

СТИХ 11-й. (И ГРАЖДАНСКИЙ.)
540 года. НАЧАЛО ГРАЖДАНСКАГО ГОДА … И ЦЕРКОВНАГО … С 1-го СЕНТЯБРЯ,.. ПО ОПРЕДЕЛЕНИЮ 1-го ВСЕЛЕНСКАГО СОБОРА.
Летопись Церковных событий. Арсения. Лето от Рожества Христова. 538. Юстиниана 12. П-Б. 1880 г. Стр. 224.
В 540 г. Юстиниан велел вести счет годов не от основания Рима, как было доселе, а от создания мира, но начало гражданскаго года оставил прежнее — с 1-го Сентября, которое было вместе началом и церковнаго года, по определению 1-го вселенскаго собора.

СТИХ 12-й. (И ГРАЖДАНСКИЙ.)
ПОДТВЕРЖДЕНО … НАЧИНАТЬ ГРАЖДАНСКИЙ ГОД С 1 СЕНТЯБРЯ.
Кн. Летопись. Церковных событий. Лето от Рожества Христова. 1492. Иоанна 3-го Вас. Стр. 579.
Для составления Пасхалии происходил в Москве собор, на коем, кроме сего главнаго дела, подтверждено впредь начинать гражданский год с 1 сентября, как считал уже, подражая грекам, и митрополит Киприан.

СТИХ 13-й. (ГРАЖДАНСКИЙ И ЦЕРКОВНЫЙ.)
1505 г. ПОДТВЕРЖДЕНО ГРАЖДАНСКИЙ И ЦЕРКОВНЫЙ ГОД 1-го СЕНТЯБРЯ.
Энциклопедический Словарь. Брокгауз. Кн. 41. Том 21. Буква Н. Стр. 305.

СТАТИЯ 2-я.
ЭТОТ ЗАКОН О ВРЕМЕНАХ ЦЕРКОВЬ ДОЛЖНА ХРАНИТЬ ДО СКОНЧАНИЯ ВЕКА.

СТИХ 1-й.
ЦЕРКОВЬ НЕ ТРЕБУЕТ ДНИ И МЕСЯЦЫ ПРЕМЕНИТИ … ДО СКОНЧАНИЯ ВЕКА.
Кн. Кирилова. Гл. 3. Лис. 16 об. и 17.
Ты же разумей, ибо Духом Божиим утверженная церковь не требует дни и месяцы пременити. и во всех своих преданиях стоит не пременна. и един устав и предание держит до скончания века.